Zavodljivo poluslatko bijelo vino dobijeno od vrhunske sorte grožđa Sauvignon Blanc. Kompotasti tonovi su prvo što nas asocira kada pomirišemo ovo vino i to na prvom mjestu breskve i kajsije, a kasnije nam se javljaju i miris lubenice i slatke dinje.

Sauvignon Blanc sorta vodi porijeklo iz Francuske i jedna je od najstarijih poznatih sorti vinove loze u svijetu. Popularnost Sauvignon sorte u svijetu je u stalnom porastu, pa se na globalnom nivou po zastupljenosti sve više približava neprikosnovenom Chardonnayu i čak ozbiljno prijeti da ga ugrozi. Sorta se odlikuje visokom bujnošću čokota, a grožđe sazrijeva relativno rano te je trenutak berbe presudan za aromatski potencijal vina.

Naše poluslatko vino je najbolje poslužiti u posebnim čašama, koje se od običnih vinskih čaša razlikuju po tome što su manje i uže, uz različite deserte. Bitno je samo da vino bude slađe od slatkiša, jer ćete inače teško osjetiti ukus vina.